Readers' sharing：Pullman Brussels Centre MIDI
是次Readers' Sharing是來自長期讀者Wing Sum
巧合的是分享的Pullman Brussels Centre MIDI
Justin也住過
這家Pullman 方便程度真的完勝
連車站都不用出就可以連結酒店
來看看這家在比利時布魯塞爾的Pullman吧
---------------------------------------------------------------------------------
首先多謝Justin兄比機會細佬投稿先, （Justin：The honour is mine🙏）今次係想推介比利時布魯塞爾一間酒店比大家, 就係: Pullman Brussels Centre Midi. 當初訂佢原因係睇落同南站好近, 因為南站係主要接駁其他地方既High Speed Train 停靠站, 所以到步同離開都好方便. 要知道其實響歐洲拉喼好多事都係一個惡夢, 果啲睇落好靚拉落想死充滿中世紀風情既石仔路絕對可以令你減去拜拜肉. 事實證明酒店同車站根本係"同一座"建築物內, 有個入口直接可以響車站進入酒店.
呢個係我第一次行錯路專登行出去影既酒店正門, 而佢右面同背脊其實就係南站, 直通車站既入口就係行入呢道門入面轉右直行再專左直行咁上下.
大堂裝飾得好有設計感, 樓梯轉上去1/F就係餐廳同BAR所在地
本身預訂既係最basic 既Classic Room King SIze Bed, 雖然細佬只係小小既金卡會員, 但酒店都好慷慨咁upgrade 左Deluxe Room 比我, 而且仲係Corner 房, 空間相對上大多少少(多條走廊). 而其實Check in 前4日酒店有Email 比我話有Special Offer 補 €60/晚就可以Upgrade Deluxe Suite, 而呢€60正正就差不多係Deluxe Room 同Suite 既差價, 最後窮到燶精打細算既我都冇加錢升級囉~
Deluxe Room 一入門口有條小走廊, 右面就係廁所同衣櫃.
房間空間都算大. 呢張角落梳化可以沖完涼後好舒服咁響度攤屍睇電視整理聽日行程.
King Size Bed 可以三邊落床, 雖然睇落好似密質質咁但其實空間夠打開兩個29"喼仲有路行.
浴室有歐洲好少見(主要係我少見識(羞))既浴缸, o岩晒天寒地凍行完一日路之後返去浸浴淥熟自己消除疲勞, 而且有Rain Shower 洗頭好方便, 可識水壓弱左啲唔夠爽.
洗手盆前大窗好開楊同向東, 朝早望住太陽刷牙特別舒爽可惜窗台仔影完相後兩秒鐘比雌性動物放滿裝修用品, 大殺風景
而酒店另一個令人感動既地方就係佢好慷慨既房間"贈品"
首先有咖啡機配六個膠囊, 同一支水.
仲有Free Mini Bar, 呢4支野響歐洲都值€6架啦陰公~
Welcome Letter 同Snack, 朱古力同果乾
而且對比起我所住過既其他孤寒到死既歐洲酒店, 呢間真係非常大方, 無論有冇飲晒MINI BAR 入面既野佢第二日都係會補返4支落去, (COKE ZERO 第二日仲變左橙汁添, 可能見我唔記得冇飲佢所以幫我換口味)
由於係Corner 房所以景觀好開揚(住9/F)
另一邊, 雖然路軌就響隔離但隔音做得唔錯, 我住左四日三夜就只係聽過一野火車笛聲咁大把. 而沿住路軌左面一直向前行半個鐘左右就可以去到廣場同尿尿小童度.
Welcome Drink 去Bar 度飲, 無乜特別可以揀House Wine, Beer 或 Soft Drink.
早餐雖然冇影到但唔錯既, 選擇雖然唔算太多但幾好味, 火腿有肉味麵包有麵包味之類... 重點係有部全自動搾橙汁機, 篤個制睇住啲橙碌落去再搾汁真係唔飲都埋去玩下.
總結黎講我真係比呢間酒店95分, 如果佢Up我Suite 咪100囉 雖然離開主要景點有少少距離要行半個鐘(坐地鐵其實2個站5分鐘唔計等車), 但由於佢同南站真係零距離, 如果布魯塞爾只係你歐洲行既中途站, 黎到放低行李先去玩絕對好過你拉住行李行石仔路去搵/離開酒店. 缺點都唔係無既, 南站係相對上比較雜既車站, 雖然站內成日見到拎住機關槍行來行去既軍人. 但更加多既係企響度唔知等人定等車定等獵物既"閒雜人等", 而入夜後周邊的確係好靜既(冬天又天黑得早), 所以出入難免有少少提心跳膽, 不過歐洲到處都要小心扒手都是常識吧(明搶就比佢啦). 而另一點係水壓真係有少少弱(由於我做呢行所以特別敏感, 一般人應該OK既), Rain Shower 發揮唔到功用, 而大波板Hand Shower 亦有少少有心無力. 另一個致命傷係Front Desk 啲鬼仔個個都好靚仔. 頂佢個肺咁有型唔去做MODEL企響度篤眼篤鼻, 但又好好禮貌果下忟.
廢話太多請見諒, 酒店真係好好, 誠意推介比大家, 有機會再去布魯塞爾我絕對會再住佢~
---------------------------------------------------------------------------------
Comments
Justin非常認同讀者Wing Sum既Review
想當年我入住這家Pullman Brussels Centre MIDI
也是非常滿意
作為前往荷／盧／法 等地的停靠站
真的是太方便了
另步行前往廣場及尿尿小童也是一個舒適的步行距離
Justin另超推介那邊有家Mary Chocolatier太好吃了
至於在Brussels出入真的要小心 特別在天黑以後
0 留言:
發佈留言